ზუგდიდის "ბაიას” თავდამსხმელი, ირაკლი ქობალია დაახლოებით 6 თვე ფეხბურთის თამაშს ვერ შეძლებს.
ზუგდიდელთა მთავარმა მწვრთნელმა ელგუჯა ქომეთიანმა "მსოფლიოს სპორტს”
განუცხადა, რომ 19 წლის თავდამსხმელს მუხლის მყესები აქვს გაწყვეტილი და
საოპერაციოა.
ქომეთიანის თქმით, ფეხბურთელი, დაახლოებით, ნახევარი წელიწადი მოედანზე ვერ გავა.
შეგახსენებთ, რომ საქართველოს 21-წლამდე ნაკრების ფორვარდი, იანვარში,
შეკრებაზე "ზესტაფონს” უნდა გაჰყოლოდა და თუ იმერელთა დამრიგებელ გიორგი
ჭიაბრიშვილს თავს მოაწონებდა, კლუბთან კონტრაქტსაც გააფორმებდა. თუმცა,
ფეხბურთელის ტრავმამ ვითარება შეცვალა.