თბილისის "ვიტ ჯორჯიამ” მიმდინარე სეზონში ამხელა სხვაობით პირველად მოიგო.
ფეხბურთი გუნდურია თამაშია და მასპინძელთა გამარჯვებაში საკუთარი წვლილი
ყველამ შეიტანა, მაგრამ ზურაბ ბერიძის შეგირდები სამ ქულას, დიდწილად,
გიორგი კორიფაძეს უნდა უმადლოდნენ.
XVII ტურის ცენტრალური მატჩი ქუთაისში გაიმართება. "ტორპედოს”, თასზე
განცდილი მარცხისგან გონს მოსასვლელად დრო საკმარისი ჰქონდა. ამდენად,
შეძლებს თუ არა გია გეგუჩაძის გაწვრთნილი გუნდი ქართული ფეხბურთის
ამჟამინდელ ლიდერებთან ("ზესტაფონი”, "დინამო”) ჩემპიონობისთვის ჭიდილს,
სწორედ უახლოესი 8 დღის განმავლობაში გამოჩნდება. ამ პერიოდში უმაღლესი
ლიგის 10 გუნდი ("გაგრასა” და "ბაიას” გამოკლებით, რომლებმაც თოვლიან
პერიოდში მაინც იბურთავეს) 3-3 მატჩს გამართავს და "ზამთრის ძილისთვის”
საშობაო არდადეგებზე გაემგზავრება.