დღეს, საქართველოს ჩემპიონატის მე-18 ტურში, ქუთაისის ”ტორპედო” ზუგდიდის ”ბაიას” ესტუმრა.
შეგახსენებთ, ამ გუნდებს შორის პირველი მატჩი ქუთაისში, 25 სექტემბერს, გაიმართა და მეტოქეები უგოლოდ გაეყარნენ ერთმანეთს.

დღევანდელი შეხვედრის პირველი ტაიმი უგოლოდ გაილია. ქუთაისლები უტევდნენ ”ბაიები” კი, კონტრშეტევებზე აგებდნენ თამაშს.
მატჩის დებიუტში, წურწუმია დაემუქრა ქუთათურთა კარს. მიგინეიშვილი ადგილზე აღმოჩნდა.
სტუმრებმა ყველაზე სახიფათო მომენტი 22-ე წუთზე შექმნეს. დათუნაიშვილმა მეკარეს დაასწრო და ცარიელ კარში გზავნიდა ბურთს , მაგრამ მცველმა მოიგერია. დამატებაზე თარხნიშვილი თამაშობდა, თუმცა მანაც ვერ ივარგა და მომენტი განიმუხტა.

მეორე ნახევარი გია გეგუჩაძის შეგირდება აქტიურად დაიწყეს. 49-ე წუთზე დოლიძეს დარტყმული მაქაცარიამ მოიგერია. დამატებაზე თორნიკე თარხნიშვილსმა ითამაშა და ანგარიში გახსნა. 0-1.

5 წუთში გოცირიძემ გოლი გაიტნა, მაგრამ არბიტრმა მალხაზ ბეუქლიშვილმა თამაშგარე დააფიქსირა და გოლი გააუქმა.
იმერლები ისევ უტევდნენ. კარგი შანსები ჰქონდათ დოლიძეს და ბოლქვაძეს.

72 წუთზე ანგარიში გათანაბრდა. სტანდარტული მდგომარეობის შემდეგ ”ტორპედოელთა” საჯარიმოში არეულობა შეიქმნა. ყველაზე უკეთ სიტუაციაში ნიკა აფაქიძე გაერკვა და მიგინეიშვილი უშანსოდ დატოვა. 1-1.

დარჩენილ დროში ქუთაისლები ბევრს ეცადნენ, მაგრამ გამარჯვების გოლის გატანა ვეღარ მოახერხეს.

”ბაია”-”ტორპედო” 1-1
გოლები: თარხნიშვილი(49) აფაქიძე (72)

"ბაია”:არჩილ მაქაცარია,ვალიკო ტყემალაძე,გიორგი ქვარცხავა,ნიკა შონია,ზვიად სიხარულია (გიორგი პაჭკორია 85′),დათა რიგვავა,გურამ სამუშია (აკაკი ფარჯიკია 69′),ირაკლი ეხვაია,ლევან წურწუმია,ნიკოლოზ აფაქიძე ,ნიკა მგელაძე

"ტორპედო”:ომარ მიგინეიშვილი,სევასტი თოდუა(კაპ),დავით გამეზარდაშვილი,დაჩი ფოფხაძე, ლაშა შერგელაშვილი გიორგი დათუნაიშვილი,დავით დიღმელაშვილი (დავით ჯანელიძე 80′)გრიგოლ დოლიძე (გივი იოსელიანი 64′)დავით ბოლქვაძე,თორნიკე თარხნიშვილი , რევაზ გოცირიძე (გიორგი მეგრელაძე 65′)

XVIII ტური
კოლხეთი – სპარტაკი 1:0
გაგრა – ვიტ ჯორჯია 1:0
ბაია – ტორპედო 1:1
სიონი – დილა 0:3
მერანი – დინამო 2:1
მეტალურგი – ზესტაფონი 0:0