ოთხშაბათს გამართულ ადრეულ შეხვედრებში, გათამაშების ერთპიროვნულმა
აუტსაიდერმა სენსაცია "გამოაცხო”.”სიონმა”, რომელსაც ჯერ ჩემპიონატზე
ერთხელაც არ მოეგო, ჩემპიონობისათვის მებრძოლ "მეტალურგს” ლამისაა მოუგო.
რუსთაველებმა ერთი პენალტი გააცუდეს, მეორის ზუსტად რეალიზებით კი, ქულა
გადაარჩინეს. გორელებს საშინაო მინდორზე თამაშმაც ვერ უშველა და ლიგაში
დარჩენისთვის ბრძოლაში უშუალო კონკურენტ "სპარტაკთან” პაექრობაში, სეზონში
ზედიზედ მე-4 მარცხი იწვნიეს. შინ მოიგო და ქომაგი გაახარა უმაღლესი ლიგის
დებიუტანტმა "მერანმა”, რომელმაც რეგიონულ დერბიში "ბაიას” ძლევა” შეძლო.
მერანი - ბაია
მარტვილელებმა საშინაო გუნდის რეპუტაცია ამჯერადაც დაადასტურეს და პირველ
წრეში საკუთარ მოედანზე გამართულ მე-5 მატჩში მეოთხედ მოიგეს (ერთში
"დილას” დაუზავდნენ - 2:2). შეხვედრა საინტერესოდ წარიმართა და ორივე გუნდს
შეეძლო წარმატების მიღწევა. კარგად ითამაშა "მერანის” კიპერმა ჯონი
შეროზიამ, რომელმაც ზუგდიდელებს კარის ჩარჩოში მოხვედრილი ყველა ბურთი
მოუგერია.
მატჩის შედეგი ლაშა ჩალაძის ზუსტი დარტყმის შედეგად დაფიქსირდა, რომელიც
23 წლის ნახევარმცველმა შეხვედრის პირველი ტაიმის მიწურულს შეასრულა - 1:0.
ტრავმა მიიღო და სტადიონი ფეხშეხვეულმა დატოვა ირაკლი ქობალიამ.
”მერანი” (მარტვილი) - ”ბაია” (ზუგდიდი) 1:0 (1:0)
26 ოქტომბერი. მარტვილი, ”ცენტრალური”.
”მერანი”: შეროზია, კაკუშაძე, გიგა ჟვანია, სუხიაშვილი,
იობაშვილი, დიდავა, მანწკავა, ელგუჯა გრიგალაშვილი, ჩალაძე (კუჭუხიძე, 85),
ამბროლაძე (მემარნიშვილი, 72), ტაპე (ჭაფოძე, 89).
მთავარი მწვრთნელი: მალხაზ ჟვანია.
”ბაია”: მაქაცარია, ტყემალაძე, გუგუჩია (შოთა ლომია,
66), სიხარულია, რიგვავა, ქობალია (კუკავა, 71), ეხვაია, წურწუმია (გურამ
სამუშია, 81), აფაქიძე, მგელაძე, აკობია.
მთავარი მწვრთნელი: ელგუჯა ქომეთიანი.
გოლი: 1:0 ჩალაძე (42).
გაფრთხილებები: ტაპე (49), ტყემალაძე (80), ჩალაძე (84), შეროზია (90).
მსაჯები: ჯ. ხორავა; კ. გაბრიაძე, დ. კვეტენაძე; ი. ურუშაძე.
სიონი - მეტალურგი
დერბის ხშირად სჩვევია დაძაბულობა. თუ ქვემოქართლელთა ამ დაპირისპირების
ოქმს გადავხედავთ, თანარეგიონელებმა კარგა გვარიანად უშალეს ერთმანეთს
ნერვები. ამ მხრივ, დაზარალებული სტუმარი გუნდი უნდა იყოს, რომლისგანაც
ბევრი ელოდა იოლ გამარჯვებას. მატჩის 88-ე წუთზე "სიონის” კარში დანიშნულ
კიდევ ერთ პენალტზე (მანამდე ტატანაშვილმა ვერ გამოიყენა 11-მეტრიანი)
მასპინძელთა რეაქციით (არბიტრმა წესის დამრღვევ ლევან ჩხეტიანისთვის ერთი
ყვითელი ბარათი არ იკმარა და ბოლნისელი მიუღებელი ფორმით პროტესტის
გამოხატვისთვის მინდვრიდან გააძევა) თუ ვიმსჯელებთ, მსაჯს ზედმეტი მოუვიდა.
სტუმრებს, ლუკა რაზმაძის მიერ პენალტის ნიშნულიდან ზუსტად დარტყმის
შემდეგ, 2 ქულის გადასარჩენად 7-8 წუთი კიდევ ჰქონდათ, მაგრამ ვეღარ
იხეირეს. მოკლედ, ბუკმეიკერების ენაზე რომ ვთქვათ, ტაიმბოლი არ შედგა.
”სიონი” (ბოლნისი) - ”მეტალურგი” (რუსთავი) 2:2 (2:0)
26 ოქტომბერი. ბოლნისი, ”თამაზ სტეფანია”.
”სიონი”: ვახტანგ ლობჟანიძე, სვანიძე, გიორგი თარგამაძე,
ლევან ჩხეტიანი, გაბრიჭიძე, არჩილ ალავიძე, ვალერი ბოლქვაძე, ქუცურუა,
ისიანი (ფეიქრიშვილი, 77), გიორგი ჯოკას ძე რეხვიაშვილი, კემუხტაშვილი
(უგულავა, 79).
მწვრთნელი-კონსულტანტი: ლევან ბაჯელიძე.
”მეტალურგი”: ბედიაშვილი, სეთურიძე, გიორგი მიქაბერიძე,
ქავთარაძე (დობროვოლსკი, 65), ჯაფარიძე, ტატანაშვილი (გავაშელიშვილი, 77),
ირაკლი მაისურაძე (პავლიაშვილი, 58), ირაკლი მოდებაძე, მახვილაძე, რაზმაძე,
კვახაძე.
მთავარი მწვრთნელი: კობა ჟორჟიკაშვილი.
გოლები: 1:0 კემუხტაშვილი (5), ქუცურუა (45), 2:1 მოდებაძე (78), 2:2 რაზმაძე (88, პენ.).
გამოუყენებელი პენალტი: ტატანაშვილი (54 - მეკარე).
გაფრთხილებები: კვახაძე (44), ისიანი (54), ქუცურუა (57), სვანიძე (77), ჩხეტიანი (88), პავლიაშვილი (88).
გაძევება: ჩხეტიანი (88).
მსაჯები: ა. ნონიკაშვილი; დ. ჩიგოგიძე, ა. კოკაია; ა. კრიჭაშვილი.
დილა - სპარტაკი
შიდაქართლელთა პრინციპულმა დაპირისპირებამ გაამართლა. შეხვედრა საგოლე
მომენტებით დახუნძლული იყო და თამამად შეიძლება ითქვას, რომ ღირსეულმა
მოიგო.
ანგარიში სტუმარმა რეზო ჯიქიამ სოლო რეიდის ზუსტი დარტყმით დასრულებით
გახსნა. ტაიმის ბოლომდე ”სპარტაკმა” კიდევ ერთი გოლი გაიტანა, რომელიც გაგა
თიბილაშვილის მარჯვენა ფლანგიდან აქტიურობის ლოგიკური დაგვირგვინება იყო.
თიბილაშვილის დარტყმული მერლანმა მოიგერია, დამატებაზე კი ზვიად მეტრეველმა
იმარჯვა და ცხინვალელები 2 ბურთით დააწინაურა - 0:2.
გორელებმა ერთი საპასუხო გოლის გატანა 62-ე წუთზე შეძლეს. რომან
გოგინაშვილის მიერ მარცხენა ფლანგიდან დარტყმული ბურთი ცხინვალელი მცველის
ფეხს შეეხო და ბადეში ისე აღმოჩნდა. გოგინაშვილს, გოლიდან სამიოდე წუთში,
თავის გამოჩენის საკმაოდ ხელსაყრელი მომენტი ჰქონდა, მაგრამ დაახლოებით 25
მეტრიდან მის მიერ დარტყმული ბურთი ლაშა ძაგანიამ ”გააქვავა”.
მატჩის დასრულებამდე მასპინძლები აქტიურობდნენ, მაგრამ საპასუხო გოლის
გატანა ვერ შეძლეს. სამაგიეროდ, 76-ე წუთზე თავად გადაურჩნენ აშკარა გოლს.
მერლანმა სპარტაკელისგან სახიფათოდ დარტყმული ბურთი, ცარიელი კარის წინ
მდგომი ნიკოლოზ მაისურაძისკენ მოიგერია. ამ უკანასკნელმა კი, ბურთი ისეთი
მონდომებით დაარტყა, რომ კარს ზემოდან გადაატარა. სხვათა შორის, მატჩის
ბოლომდე მაისურაძე კიდევ ერთხელ აღმოჩნდა ყურადღების ცენტრში - მან
არბიტრისგან მეორე ყვითელი ბარათი მიიღო და ”სპარტაკს” შეხვედრის ბოლო 5
წუთი კაცნაკლულად ჩამთავრება მოუწია.
”დილა” (გორი) - ”სპარტაკი” (ცხინვალი) 1:2 (0:2)
26 ოქტომბერი. გორი, ”ქართლი”.
”დილა”: მერლანი, ბაქრაძე, ქარქუზაშვილი, ლევან
ჩაგელიშვილი, შათირიშვილი, ჯოჯუა (ახალკაცი, 50), ვალტერ ხორგუაშვილი
(ნემსაძე, 46), ნოდარ ნოზაძე (ირაკლი ბერაია, 76), გოგინაშვილი,
რაჟამაშვილი, დავით ჩაგელიშვილი.
მთავარი მწვრთნელი: გია ცეცაძე.
”სპარტაკი”: ძაგანია, თიბილაშვილი, ტეტუნაშვილი, ლომაია,
ხუბუა, შალამბერიძე, თეიმურაზ შონია, მამუჩიშვილი, შარაშენიძე (ნიკოლოზ
მაისურაძე, 59), რევაზ ჯიქია (დავით გელაშვილი, 90), მეტრეველი.
მთავარი მწვრთნელი: ვლადიმერ ხაჩიძე.
გოლები: 0:1 ჯიქია (25), 0:2 მეტრეველი (38), 1:2 გოგინაშვილი (62).
გაფრთხილებები: ქარქუზაშვილი (37), ნემსაძე (64), მაისურაძე (65, 87), შონია (70), რაჟამაშვილი (80), ხუბუა (80), მამუჩიშვილი (80).
გაძევება: მაისურაძე (87).
მსაჯები: თ. გვანცელაძე; ზ. ჯვარიძე, ზვ. ერქვანია; მ. ბეუქლიშვილი.
XI ტური
26 ოქტომბერი
მერანი - ბაია 1:0 (1:0)
სიონი - მეტალურგი 2:2 (2:0)
დილა - სპარტაკი 1:2 (0:2)
ზესტაფონი - ვიტ ჯორჯია 2:0 (0:0)
ტორპედო - კოლხეთი 4:1 (2:0)
დინამო - გაგრა 3:0 (0:0)
|
1. |
ზესტაფონი |
11 |
8 |
2 |
1 |
25:13 |
26 |
|
2. |
დინამო |
11 |
7 |
1 |
3 |
23:12 |
22 |
|
3. |
ტორპედო |
11 |
7 |
1 |
3 |
14:7 |
22 |
|
4. |
მეტალურგი |
11 |
6 |
3 |
2 |
16:10 |
21 |
|
5. |
ბაია |
11 |
6 |
1 |
4 |
15:8 |
19 |
|
6. |
მერანი |
11 |
5 |
2 |
4 |
13:12 |
17 |
|
7. |
ვიტ ჯორჯია
|
11 |
4 |
2 |
5 |
10:14 |
14 |
|
8. |
გაგრა |
11 |
4 |
1 |
6 |
12:16 |
13 |
|
9. |
დილა |
11 |
3 |
1 |
7 |
15:18 |
10 |
|
10. |
სპარტაკი |
11 |
2 |
4 |
5 |
8:16 |
10 |
|
11. |
კოლხეთი |
11 |
2 |
3 |
6 |
8:17 |
9 |
|
12. |
სიონი |
11 |
0 |
3 |
8 |
6:22 |
3 |
შენიშვნა
• 2 წრის შემდეგ, I-VIII ადგილზე გასული გუნდები, ურთიერთშეხვედრებში
დაგროვილი ქულებით და გატანილ-გაშვებული ბურთებით, ორ წრედ იბრძოლებენ
ჩემპიონის ტიტულისა და უეფას ევროპის ლიგის საგზურებისთვის. ბოლო 4 გუნდი
კი, პირველი ლიგის ზონებში დაწინაურებულ ორ-ორ გუნდთან ერთად (8 გუნდი ორ
წრედ ნულიდან), გაითამაშებენ უმაღლესი ლიგის ოთხ საგზურს.
ბომბარდირები
8 - ჩისკო (დინამო), ჯაბა დვალი (ზესტაფონი) (1 პენ.), დიმიტრი ტატანაშვილი (მეტალურგი) (1 პენ.);
4 - გიორგი მანწკავა (მერანი), ნიკოლოზ გელაშვილი (ზესტაფონი) (1 პენ.), რატი წინამძღვრიშვილი (ზესტაფონი) (1 პენ.);
3 - ალვარო (დინამო), შოთა გრიგალაშვილი (ზესტაფონი),
რევაზ გოცირიძე (ტორპედო), ლუკა გუგუჩია (ბაია), გიორგი დათუნაიშვილი
(ტორპედო), გრიგოლ დოლიძე (ტორპედო), შალვა კვანტალიანი (გაგრა),
ალექსანდრე კოშკაძე (დინამო), ზვიად მეტრეველი (სპარტაკი), დავით
რაჟამაშვილი (დილა), ირაკლი ქობალია (ბაია), ლევან შარიქაძე (გაგრა).
