26.10, 15:00. მარტვილი, "ცენტრალური”. "მერანი” (მარტვილი) - "ბაია” (ზუგდიდი)
მსაჯები: ჯ. ხორავა; კ. გაბრიაძე, დ. კვეტენაძე; ი. ურუშაძე.
უმაღლეს ლიგაში ეს გუნდები პირველად ხვდებიან ერთმანეთს. ისინი ჩემპიონატზეც და თასზეც წარმატებით ასპარეზობენ, რაც მათ უშუალო დაპირისპირებას ინტრიგას მატებს. "ბაიამ” გასულ ტურში ამ ზუგდიდური კლუბისთვის დღემდე უძლეველი თბილისის "დინამო” დაამარცხა და იმ გუნდების კამპა ნიაში დაიმკვიდრა ადგილი, რომელთაც სეზონის შედეგების მიხედვით ევროსაგზურების მოპოვებაზე ექნებათ პრეტენზია.
უმაღლესი ლიგის დებიუტანტ "მერანს” ჩემპიონატში 4-დან 3 მარცხი სატურნირო ცხრილის მოწინავე სამეულის გუნდებთან ("ზესტაფონთან” 1:3, "მეტალურგთან” 1:2, "დინამოსთან” 1:2) აქვს განცდილი და სამივე - სტუმრად. მარტვილელებმა შინ გამართული 4 შეხვედრიდან 3 მოიგეს, ერთი კი ფრედ (2:2 "დილასთან”) დაამთავრეს, რაც მალხაზ ჟვანიას გაწვრთნილებს "საშინაო” გუნდის რეპუტაციით ამკობს. "ბაიას” სტუმრად ნათამაშებ მატჩებს რაც შეეხება, ელგუჯა ქომეთიანის გუნდმა 4-დან ორში მოიგო, თითოჯერ კი ფრედ ითამაშა და წააგო.