ფეხბურთში საქართველოს დავით ყიფიანის სახელობის თასის 1/4-ფინალური ეტაპის კენჭისყრა დღეს, მიხეილ მესხის სახელობის სტადიონის საპრესკონფერენციო დარბაზში შედგა.

კენჭისყრის შედეგად, გუნდები ასე დაწყვილდნენ:
"გაგრა” – "მერანი” (მარტვილი)
"ტორპედო” (ქუთაისი) – "ზესტაფონი”
"ბაია” (ზუგდიდი) – "დილა” (გორი)
"მეტალურგი” (რუსთავი) – "ვიტ ჯორჯია” (თბილისი)
1/4-ფინალის პირველი შეხვედრები 24 ნოემბერს გაიმართება და 14 საათზე დაიწყება. საპასუხო თამაშები 7 დეკემბერს სტარტს 13:30 საათზე აიღებს.
ბუნებრივია, ყველაზე დიდ ინტერესს 1/4-ფინალში "ტორპედოსა” და "ზესტაფონის” წყვილი იწვევს. ეს გუნდები გასულ სეზონში ერთმანეთს თასის 1/2-ფინალში დაუპირისპირდნენ და მაშინ ფინალში ქუთაისელები გავიდნენ. შეგახსენებთ, რომ საქართველოს თასის მოქმედი მფლობელი "გაგრაა”.