Main » 2012 » იანვარი » 6 » გურამ სამუშიას ტრანსფერი ზესტაფონის „ზესტაფონში“ შედგა

---

3:37 AM გურამ სამუშიას ტრანსფერი ზესტაფონის „ზესტაფონში“ შედგა

გურამ სამუშია „ზესტაფონის" ფეხბურთელთა რიგებში 21 დეკემბრიდან ირიცხება. პარალელურად ფეხბურთელი 17 წლამდელთა საქართველოს ახალგაზრდული ნაკრები გუნდის წევრია. გთავაზობთ ინტერვიუს, რომელიც გურამ სამუშიასთან „ლაივპრესმა" საფეხბურთო ტრანსფერის შემდეგ ჩაწერა. როდის გააფორმეთ კონტრაქტი „ზესტაფონთან"? რამდენს მიიღებს „ბაია" თქვენი ტრანსფერის შედეგად? კლუბთან 3 წლიანი კონტრაქტი 21 დეკემბერს გაფორმდა. შეთანხმების თანახმად ზუგდიდის „ბაია" რამდენს მიიღებს, არ ვიცი. იყო თუ არა სხვა კლუბებიდან შემოთავაზება? რატომ აირჩიეთ „ზესტაფონი"? კი, მქონდა წინადადებები სხვა კლუბებიდანაც, მაგრამ ჩემპიონი გუნდია და უპირატესობის მიზეზიც ეს იყო. ვფიქრობ არ არის ცუდი გადაწყვეტილება. შეაფასეთ თქვენი ზუგდიდის „ბაიაში" გატარებული წლები. რომელ საფეხბურთო შეხვედრას აღნიშნავდით თქვენი მონაწილეობით? „ბაიში" პირველად 15 წლისამ ვითამაშე. უმაღლეს ლიგაში კი ზუგდიდის გუნდის მაისურით 2 წელი დავყავი. კარგი წლები გავატარე „ბაიაში". ჩემთვის ყველაზე დასამახსოვრებელი „გაგრასთან" შეხვედრა იყო, რადგან სადებიუტო მატჩში გოლიც გავიტანე. თქვენს ფიზიკურ კონდიციებზე რას გვეტყვი? გაქვს თუ არა დღეს ზესტაფონის გუნდის ძირითად შემადგენლობაში მოხვედრის შანსი? მაქვს ამბიცია ვითამაშო გუნდის ძირითად შემადგენლობაში. ვფიქრობ, შევძლებ, სხვაგვარად შემოთავაზებულ წინადადებას არც დავთანხმდებოდი. ცნობისთვის: ახალგაზრდა ფეხბურთელი გურამ სამუშია „ბაიაში" 2009 წლიდან დღემდე თამაშობდა.

1 2 3 4 5 Category: სიახლეები | Views: 925 | Added by: John_Cena | Rating: 4.0/1

Total comments: 0