გიორგი გაბედავა სეზონის ბოლომდე ზუგდიდის ”ბაიაში” ითამაშებს. 22 წლის
ფეხბურთელი ყაზახურ ”კაისარში” ცდილობდა გადასვლას, თუმცა ამ საქმიდან
არაფერი გამოვიდა და სამშობლოში დაბრუნდა. გაბედავამ 22 თებერვალს ”ბაიას”
მაისურით ”ზესტაფონის” წინააღმდეგ ითამაშა.
გიორგი გაბედავამ კარიერა ”გაგრაში” დაიწყო და 2009/10 წლების სეზონში
19 მატჩში 10 გოლი გაიტანა. ნიჭიერი ფორვარდი მარიუპოლის ”ილჩივეცმა”
გადაიბირა, მაგრამ გიორგი უკრაინულ კლუბს ვერ მოერგო და ისევ ”გაგრაში”
დაბრუნდა. გასულ სეზონში ეროვნულ ჩემპიონატში გაბედვამ 11 მატჩი ჩაატარა.