საქართველოს ეროვნულმა ნაკრებმა ოთხშაბათსაც 16:00 საათზე დაიწყო ტექნიკურ
ცენტრ "ბასას" მოედანზე ვარჯიში – ისევე, როგორც სამშაბათს.
როგორც საქართველოს ფეხბურთის ფედერაციის პრესატაშე ლაშა დვალიშვილმა
"მსოფლიო სპორტს" აცნობა, თემურ ქეცბაიას გუნდი სრული შემადგენლობითაა.
სამშაბათს ვერ ივარჯიშა თურქული "ქაისერისფორის" მცველმა ზურაბ
ხიზანიშვილმა, რომელიც საღამოს შეუერთდა გუნდს, თუმცა ოთხშაბათს წვრთნაში
მონაწილეობა მიიღო.
ვარჯიში საწყისი 20 წუთით იყო ღია. ყველა ფეხბურთელმა სრული დატვირთვით ივარჯიშა.
შეხსენებისთვის, ქეცბაიას გუნდი მოლდოვასთან ამხანაგური მატჩისთვის
ემზადება, რომელიც 11 ნოემბერს "მიხეილ მესხზე" 18:00 საათზე დაიწყება.