მოიგო ქუთაისის ”ტორპედომაც”. იმერლებმა რუსთავის ”მეტალურგი”2-1 დაამარცხეს. პირველი ტაიმში გოლები არ გასულა. მეორე ნახევრში, 64-ე წუთზე, კირკიტაძემ გახსნა ანგარიში.
”მეტალურგმა” წონასწორობა 71-ე წუთზე აღადგინა. ”ტორპედომ” გამარჯვების გოლი 84-ე წუთზე გაიტანა. თავი კაპანაძემ გამოიჩინა.

სენსაცია მოხდა ზესტაფონში. ”მარგველები” ბოლნისის ”სიონთან” 2-1 დამარცხდნენ. ქართლელებმა ანგარიში მე-15 წუთზე, ზურაბ თეთრაძის გოლით გახსნეს.
მასპინძლებმა ავთო ეგუტიძის გოლით გათანაბრეს. ”ზესტაფონი” მთელი მატჩი უტევდა და ქართლელები კონტრშეტევებზე აწყობდნენ თამაშს. ერთი ასეთი შეტევა გოლით დასრულდა. კვასხვაძე ბააკაშვილმა დაამწუხრა. დარჩენილ დროში, მასპინძლები ისევ უტევდნენ , თუმცა ”სიონის” დაცვა ყოჩაღად იდგა.

საკუთარ მოედანზე დამარცხდა ”ვიტ ჯორჯია”. ”ვეტერინარებს” ზუგდიდის ”ბაიამ” დაძაბულ ბრძოლაში 3-2 სძლია.
”სპარტაკმა”’ 2-1 დაამარცხა ”გაგრა”, ხოლო გორის ”დილამ” მარტვილის ”მერანს” ორი უპასუხო გოლი გაუტანა.