გორის "დილამ” შედეგიან ფრეს მიაღწია ზუგდიდში და წყვილში ფავორიტად იქცა.
გასვლითი 2:2 ის ანგარიშია, რომელიც მასპინძლებს არცთუ მცირე უპირატესობას
აძლევს საპასუხო მატჩის წინ. შეხსენებისთვის, გორელებმა მერვედფინალში
თბილისის "დინამო” ჩამოიტოვეს და მაშინაც, პირველი შეხვედრა სტუმრად 2:2
დაასრულა.
რომან გოგინაშვილმა სწრაფი გოლით დააწინაურა "დილა”, რასაც ზუგდიდელთა
ფორვარდ ირაკლი ეხვაიას დუბლი მოჰყვა და ტაიმი მასპინძლებმა მოიგეს, თუმცა
81-ე წუთზე ვალტერ ხორგუაშვილმა გაათანაბრა და თავიდან თუ "ბაია” იყო
ფავორიტი, ამჯერად სასწორი "დილასკენ” გადაიხარა.
"ბაიას” ტრავმირებული ჰყავს ირაკლი ქობალია – როდის დაუბრუნდება
საქართველოს ახალგაზრდული ნაკრების ფორვარდი მოედანს, ჯერ უცნობია.
საქართველოს თასი. 1/4 ფინალი. I მატჩი
24.11. 14:00. ზუგდიდი. "გულია თუთბერიძე”
"ბაია” (ზუგდიდი)-"დილა” (გორი) 2:2 (2:1)
ბაია: სომხიშვილი, აფაქიძე, მგელაძე, ქვარცხავა, აკობია, რიგვავა
(ჯიშკარიანი 62), სიხარულია, ტყემალაძე, გუგუჩია (ნიკა შონია 84),
წურწუმია (ენდელაძე 46), ეხვაია.
მწვრთნელი: ელგუჯა ქომეთიანი.
დილა: შეყრილაძე, ლომიძე, ქარქუზაშვილი, ბაქრაძე,
გველესიანი, ჯოჯუა, პავლე ხორგუაშვილი, დავით ჩაგელიშვილი, რაჟამაშვილი
(მაჭავარიანი 85), ახალკაცი (ნოდარ ნოზაძე 70), გოგინაშვილი (ვალტერ
ხორგუაშვილი 66).
მწვრთნელი: თემურ მახარაძე.
გოლები: 0:1 გოგინაშვილი (9), 1:1, 2:1 ეხვაია (21, 45 პენ), 2:2 ვალტერ ხორგუაშვილი (80).
არბიტრი: გიორგი ვადაჭკორია.
|