დასავლეთ საქართველოში თოვლის სახით უხვად მოსული ნალექის გამო, სფფ-ის საშეჯიბრო განყოფილების გადაწყვეტილებით, ეროვნული ჩემპიონატის რეგულარული ეტაპის ბოლო ტურის ყველა მატჩი გადაიდო. XXII ტური ჯერ 4 მარტს უნდა გამართულიყო, მაგრამ ფედერაციამ, ყველა გუნდის თანაბარ სიტუაციაში ჩაყენების მიზნით (მანამდე გადადებული "დილა”-"მეტალურგი” 1 მარტს, ხოლო "ზესტაფონი”-"სპარტაკი” 2 მარტს გაიმართა), მატჩები 6 მარტისთვის გადადო.