ეროვნული ჩემპიონატის II წრის პირველმა ტურმა სენსაციებიც მოიტანა. მაგალითად, ბოლო ორ ადგილზე მყოფმა გუნდებმა მოიგეს.
გამოსარჩევია "სიონის” პირველი საამსეზონო გამარჯვება. გუნდმა წინა ტურში კინაღამ სძლია რუსთავის "მეტალურგს”, ბოლო წუთებში დაკარგა მოგება და რასაც მაშინ ვერ მიაღწია, "ბაიასთან” შეძლო – ამჯერად ბოლომდე მიიყვანა საქმე. წინა ტურის მსგავსად, კვლავ გაიტანა გოლი ქუთაისის "ტორპედოდან” განათხოვრებულმა ლაშა კემუხტაშვილმა, რასაც პირველივე ტაიმში გიორგი ქუცურუას პენალტიდან გატანილიც მოჰყვა – 2:0.
გორის "დილას” გია ცეცაძე აღარ წვრთნის, გუნდი რამაზ სოღოლაშვილმა გაიყვანა "ვიტ ჯორჯიასთან” მატჩზე და ნანატრი ქულაც მოუტანა კლუბს. საქმე ისაა, რომ "დილას” მანამდე ზედიზედ 4 წაგება ჰქონდა. ვიტელები ბექა ზაქრაძემ დააწინაურა, რომელმაც ბესიკ ჩიმაკაძის პასით გაიტანა. სტუმრები მოგებასთან ახლოს იყვნენ, თუმცა 81-ე წუთზე, რომან ახალკაცმა გაათანაბრა და 1:1.
რვა საუკეთესოში გასვლა არც "ვიტ ჯორჯიას” აქვს განაღდებული და მითუმეტეს, არც "დილას”.  ამ ფრემაც დიდად ვერ იმოქმედა გუნდების სატურნირო მდგომარეობაზე.
მნიშვნელოვანი შეხვედრა მოიგო ფოთის "კოლხეთმა” და მე-9 ადგილზე გადაინაცვლა. თანაც, რუსთავის "მეტალურგთან”, რომელსაც ძალიან გაუთამამდნენ... შარშან შინ 5:1 სძლიეს, სტუმრადაც 1:0 აჯობეს და ამ სეზონშიც ხომ ქულა წაიღეს რუსთავიდან. თამაში ხეირიანად არც იყო გახურებული, რომ ლაშა გვალიამ მასპინძლები დააწინაურა, მე-2 ტაიმის დასაწყისში პაატა ცხვიტარიამ თავით მეორე შეაგდო, რასაც დავით ციცხვაიას გოლი და "მეტალურგისთვის” შემარცხვენელი ანგარიში მოჰყვა, თუმცა, ბოლოს ერთი პრესტიჟის ბურთი ირაკლი მოდებაძემ გაქვითა.
"მსოფლიო სპორტი” უკე წერდა, რომ ამ შეხვედრაში "კოლხეთი” არა სოსო ფილიამ, არამედ მისმა თანაშემწე დავით მახარაძემ გაიყვანა. ფოთის გუნდში გელა სანაიას გამწვრთნელებას ელიან...
და "მერანი”-"გაგრა”. მარტვილელები შინ შეუჩერებელნი არიან და ამჯერად "გაგრასაც” სძლიეს – 1:0. ელგუჯა გრიგალაშვილმა მე-2 ტაიმის შუაში გაიტანა გადამწყვეტი გოლი და სავარაუდოდ, "მერანს” 8 საუკეთესოში მოხვედრა აღარ უნდა გაუჭირდეს. ის კი არა, ამჟამად ხუთეულშია.

"დილა” (გორი)-"ვიტ ჯორჯია” (თბილისი) 1:1 (0:1)
30.10. 15:00. გორი. "ქართლი”
დილა: შეყრილაძე, ლომიძე, ქარქუზაშვილი, ბაქრაძე, გველესიანი, ჯოჯუა, ნოდარ ნოზაძე (ნემსაძე 59), ახალკაცი, ლევან ჩაგელიშვილი, გოგინაშვილი (ირაკლი ბერაია 74), სადაღაშვილი.
მწვრთნელი: რამაზ სოღოლაშვილი.
ვიტ ჯორჯია: ძაძამია, ხურცილავა, ადამაძე, გოგიაშვილი, ღანიაშვილი, ვასაძე, გურამ გურეშიძე, კორიფაძე, ზაქრაძე (მაისაშვილი 72), ჯანელიძე (ოთარიშვილი 89), ჩიმაკაძე.
მწვრთნელი: ზურაბ ბერიძე.
გოლები: 0:1 ზაქრაძე (24), 1:1 ახალკაცი (81).
გაფრთხილება: ჯოჯუა (37), ძაძამია (51), ღანიაშვილი (71), ირაკლი ბერაია (77).  
არბიტრი: ოთარ ხეცაძე.

"მერანი” (მარტვილი) – "გაგრა” 1:0 (0:0)
30.10. 15:00. მარტვილი. "ცენტრალური”
მერანი: შეროზია, კაკუშაძე, ჟვანია, იობაშვილი, სუხიაშვილი, დიდავა, მანწკავა (ტორაძე 90), ელგუჯა გრიგალაშვილი, ჩალაძე, ამბროლაძე (მემარნიშვილი 72), ტაპე (სამადაშვილი 59).
მწვრთნელი: მალხაზ ჟვანია.
გაგრა: სეფიაშვილი, ყურულაშვილი, ტყეშელაშვილი, კალანდაძე, ჯიშკარიანი, ნაკონეჩნი (გაბედავა 54), სიჭინავა (ხოჯაშვილი 80), შარიქაძე, ზვიად ჩხეტიანი, ხუციძე (ჯერემია 72), კვანტალიანი.
მწვრთნელი: ზვიად ჯელაძე.
გოლი: 1:0 ელგუჯა გრიგალაშვილი (67)
გაფრთხილება: ნაკონეჩნი (27), სიჭინავა (52), ყურულაშვილი (60), კალანდაძე (76).
არბიტრი: გიორგი ვადაჭკორია.

 "კოლხეთი” (ფოთი) – "მეტალურგი” (რუსთავი) 3:1 (1:0)
30.10. 15:00. ლანჩხუთი. "ევგრაფი შევარდნაძე”
კოლხეთი: ნადირაშვილი, ცხვიტარია, ინწკირველი, ლომაშვილი, ლემონჯავა, შავგულიძე (თედიაშვილი 77), ქებაძე, გვალია, გულუა, მდივნიშვილი (პაატა დათუნაიშვილი 62), ციცხვაია (წიქარიშვილი 75).
მწვრთნელი: დავით მახარაძე.
მეტალურგი: ბედიაშვილი, სეთურიძე, კვახაძე, გივი კვარაცხელია, ჯაფარიძე, რაზმაძე, ქავთარაძე (დობროვოლსკი 80), მაისურაძე (პავლიაშვილი 46), მიქაბერიძე (გავაშელიშვილი 73), მოდებაძე, ტატანაშვილი.
მწვრთნელი: კობა ჟორჟიკაშვილი.
გოლები: 1:0 გვალია (2), 2:0 ცხვიტარია (51), 3:0 ციცხვაია (70), 3:1 მოდებაძე (77).
არბიტრი: დავით ხარიტონაშვილი.  

"სიონი” (ბოლნისი) -"ბაია” (ზუგდიდი) 2:0 (2:0)
30.10. 15:00. ბოლნისი. "თამაზ სტეფანია”
სიონი: ლობჟანიძე, სვანიძე, გიორგი თარგამაძე, ალავიძე, მანუჩარ ოქროპირიძე (აკაკი ნოზაძე 85), გაბრიჭიძე, ქუცურუა, ვალერი ბოლქვაძე, ისიანი, გიორგი ჯოკას ძე რეხვიაშვილი (უგულავა 46), კემუხტაშვილი (კობერიძე 70).
მწვრთნელ-კონსულტანტი: ლევან ბაჯელიძე.
ბაია: მაქაცარია, პაჭკორია (გამრეკლიძე 46), ტყემალაძე, აკობია, კუკავა, აფაქიძე, გუგუჩია (ჯიშკარიანი 60), სიხარულია, რიგვავა, წურწუმია (სამუშია 71), შოთა ლომია.
მწვრთნელი: ელგუჯა ქომეთიანი.
გოლები: 1:0 კემუხტაშვილი (21), 2:0 ქუცურუა (34 პენ).
გაფრთხილება: პაჭკორია (34), ტყემალაძე (51), სიხარულია (66).
არბიტრი: ალექსანდრე კრიჭაშვილი.   
და კიდევ ორ მატჩზე, რომელთა რეპორტაჟებს მოგვიანებით შემოგთავაზებთ.
იმერულ დერბიში, ქუთაისის "ტორპედომ” სტუმრად 1:0 მოუგო "ზესტაფონს”. 66-ე წუთი იყო, როცა დავით დიღმელაშვილმა გადამწყვეტი ბურთი გაიტანა და ქუთათურებმა ზედიზედ მე-5 შეხვედრა მოიგეს. ასეთი წარმატებული გამოდგა გია გეგუჩაძის სტუმრობა ზესტაფონში... "ფეროელები” ერთი ქულის სხვაობითღა ლიდერობენ. შესაბამისად, ლიდერთა ჯგუფში სიტუაცია უფრო დაიძაბა.  
თბილისის "დინამოსა” და ცხინვალის "სპარტაკის” მატჩი კი, ალექს გარსიას გუნდმა 2:0 მოიგო. კვლავ ესპანური გოლები – კარლეს კოტომ მე-11 წუთზე გახსნა ანგარიში, ხოლო მიკელ ალვარომ 86-ეზე მეორე გაიტანა და "დინამომ” ზედიზედ მეორე შეხვედრაში იმარჯვა.
საინტერესოა, რომ საუკეთესო ბომბარდირთა სამეულიდან (ჩისკო, ტატანაშვილი, დვალი) გოლი არავის გაუტანია.