Main » 2012 » მარტი » 17 » “ბაიას” გაფიცულ ფეხბურთელებს მწვრთნელიც მხარდაჭერას უცხადებს

---

3:34 AM “ბაიას” გაფიცულ ფეხბურთელებს მწვრთნელიც მხარდაჭერას უცხადებს

გავრცელდა ინფორმაცია იმის შესახებ, რომ უმაღლესი ლიგის ბინადრის ზუგდიდის "ბაიას” ფეხბურთელები, ფინანსური პრობლემების გამო ჩემპიონატში მონაწილეობის მიღებაზე უარს აცხადებენ. სწორედ ამის გამო იყო, რომ გუნდის თავკაცმა გოჩა ტყებუჩავამ, პარასკევს ფოთში გასამართ მატჩში მონაწილეობის მისაღებად დუბლშემადგენლობისა და ჭაბუკთა ლიგაში მოასპარეზე ფეხბურთელები იახლა. მოგეხსენებათ, ეს მატჩი უამინდობის გამო არ შედგა. "მსოფლიო სპორტი” კი სიტუაციაში უკეთ გასარკვევად გოჩა ტყებუჩავას დაუკავშირდა. - ბატონო გოჩა, რაც კი ზუგდიდის” ბაია” უმაღლეს ლიგაში გამოდის, ამ გუნდს რეგულარულად თან სდევს ფინანსური პრობლემები. - მე არ ვიცი მანამდე რა იყო, მაგრამ როცა საქმის კეთებაზეა საუბარი და ბიჭები ანაზღაურებას ვერ იღებენ, ცოტა რთულია. - ზუგდიდის "ბაიას” თავკაცად მოაზრებულია საქართველოს ფეხბურთის ფედერაციის პრეზიდენტი დომენტი სიჭინავა, რომელიც მისი ამ ბოლო თანამდებობაზე ყოფნის განმავლობაში ეროვნულ ჩემპიონატზე მოასპარეზე კლუბებისაგან ითხოვს ფინანსურ გარანტიებს, რათა მათ სეზონი უპრობლემოდ ჩაამთავრონ. სინამდვილეში კი, საკუთარ გუნდს ვერ უქმნის ისეთ პირობებს, რომ ფეხბურთელებმა მხოლოდ თამაშზე იფიქრონ... - თქვენ იცით, ვინ არის "ბაიას” პრეზიდენტი? - მე კი არა მთელმა საქართველომ იცის, რომ "ბაიას” დე-ფაქტო პრეზიდენტი დომენტი სიჭინავაა. - იგი ფეხბურთის ფედერაციის პრეზიდენტია. - სიტყვების თამაში გამოდის, მაგრამ კარგით ნუ იქნება დე-ფაქტო პრეზიდენტი და იყოს მფლობელი. - მოდით, საქმეზე ვილაპარაკოთ. თქვენ კარგად იცით ყველაფერი რა და როგორ ხდება. ვისაუბროთ იმაზე რაც გუნდს უჭირს. პრობლემები გვაქვს იმასთან დაკავშირებით, რომ გუნდს ხელფასი და პრემია ეკუთვნის და არ მიუღია. - მაშინ ის მაინც გვითხარით, ვინაა თქვენთან ანგარიშვალდებული – ვისგან უნდა მიიღოთ ეს ხელფასი და პრემია? - ამას ვერანაირად ვერ გეტყვით. - რატომ ვერ გვეტყვით, არ იცით ვისგან გეკუთვნით ფული? - თქვენ იცით? - ვისგან მეკუთვნის ხელფასი მეც ვიცი და ვისგანაც მეკუთვნის, მანაც იცის. თქვენ ვინ უნდა მოგცეთ ხელფასი, თქვენ თუ არ იცით, მე როგორ მეცოდინება? - მე ერთი რაღაცა ვიცი. ფეხბურთელები ძალიან გულდაწყვეტილები არიან. მოგეხსენებათ, მათი პროტესტის გამო, ფოთში დუბლშემადგენლობა და ჭაბუკთა ლიგის ფეხბურთელები წავიყვანეთ. საბედნიეროდ თამაში გადაიდო, მაგრამ ის, რომ ძირითადი შემადგენლობის ფეხბურთელები არ წამოვიდნენ, ფაქტი სახეზეა. დანარჩენი მომავალში გამოჩნდება. თუ გააკეთებენ ყველაფერს იმისათვის, რომ 21 მარტს გორის "დილას” წინააღმდეგ სრული შემადგენლობით გამოვიდეთ, ძალიან კარგი. თუ არადა, რა ვიცი. - მოდით, დავაკონკრეტოთ. აღნიშნული გაფიცვის მოთხოვნა "ბაიას” ფეხბურთელებისთვის გასული ერთი თვის ანაზღაურების მიღებაა, თუ გუნდთან ანგარიშვალდებული პირისაგან ხელფასისა და პრემიის მომავალში მიღების გარანტია? - ჩვენ ახლა ყველაზე მეტად ამ მიმდინარე დავალიანების მიღება გვაინტერესებს. ახლა ასეა გადაწყვეტილი, რომ ეს ბიჭები მანამ არ ითამაშებენ, სანამ ამ ხელფასს და მარტვილის "მერანთან” მოგებული მატჩისთვის პრემიას არ მიიღებენ. მერე რა იქნება, ეს მერე იყოს. - თუ "ბაიას” მფლობელის მიერ ჯამაგირის გადახდის პერიოდულობის დაუცველობას გავითვალისწინებთ, გამოდის, გუნდი გაფიცვების პერმანეტულ რეჟიმში ყოფნას ეგუება. ეს კი, ქართული ფეხბურთისთვის ცუდი პრეცენდენტია. - მესმის, რომ ცუდია. მოგეხსენებათ, ბოლო 3 წლის განმავლობაში ესპანეთში ვიმყოფებოდი და აქ რა სიტუაცია იყო, ნაკლებად ვფლობ ამის შესახებ ინფორმაციას. ის დამრჩენია ბიჭებს მხარდაჭერა გამოვუცხადო, დანარჩენი კი, მომავალში გამოჩნდება.

1 2 3 4 5 Category: სიახლეები | Views: 1177 | Added by: John_Cena | Rating: 5.0/1

Total comments: 2
Comments display order: By default New comments first Old comments first xo martali xar სრულად ნანახია: | ავტორი:John_Cena | Дата: ოთხშაბათი | კომენტარები () xo ra adardebt darchenilia ukve gundi da awi ragat unda xelfasi sul egere araaa.magram ratomgac xmis amogebis da xmebis gacvrcelebis eshiniat midit bichebo ar dautmot aravis araferi. სრულად ნანახია: | ავტორი: | Дата: ორშაბათი | კომენტარები ()