Main » 2011 » დეკემბერი » 19 » "ბაია-2" - "ტორპედო-2" 0:1

---

10:29 PM "ბაია-2" - "ტორპედო-2" 0:1

19 დეკემბერს საქართველოს 23-ე ეროვნული ჩემპიონატის დუბლიორთა ტურნირის მე-18 ტურის მატჩები გაიმართა. ქუთაისის "ტორპედოს" მეორე გუნდი ზუგდიდს ესტუმრა და "ბაია-2"-თან საწვრთნელი ბაზის ხელოვნურსაფარიან მოედანზე ითამაშა. მატჩის პირველი ტაიმი გარდამავალი უპირატესობით წარიმართა და ორმხრივმა იერიშებმა შედეგი ვერ გამოიღო. მეორე ნახევარში ტორპედოელები ინიციატივებს ფლობდნენ და უპირატესობა ანგარიშშიც ასახეს. 51-ე წუთზე გიორგი ხარაბაძის გადაცემით მეკარესთან პირისპირ დავით კირკიტაძე გავიდა და ზუსტი დარტყმით ზედიზედ მესამე შეხვედრაში, ამჯერად, მატჩის გადამწყვეტი გოლი გაიტანა. "ტორპედოს" დუბლებიდან კიდევ გიორგი ხარაბაძეს მიეცა ბურთის გატანის შანსი, თუმცა მეკარესთან პირისპირ გასულმა, კარის დარაჯს ვერ აჯობა. საბოლოოდ, "ტორპედო-2"-მა თამაში მინიმალური სხვაობით 1:0 მოიგო და 2011 წელი ცხრილში 32 ქულით მე-3 საფეხურზე დაასრულა. გათამაშებას 42 ქულით "დინამო-2" ლიდერობს, მე-2 ადგილს კი ქუთაისელთა ყოფილი მეტოქე "ბაია-2" იკავებს.

1 2 3 4 5 Category: დუბლშემადგენლობა | Views: 849 | Added by: John_Cena | Rating: 0.0/0

Total comments: 0