დასრულდა ეროვნული საფეხბურთო ჩემპიონატის 2011 წელს გასამართი ძირითადი ნაწილი. 22 დეკემბერს, მარტვილში მოქმედი ჩემპიონი და "მერანი” ითამაშებენ და უკლებლივ ყველა ქართულ გუნდს ზამთრის არდადეგები "გამოეწერებათ”. მარტვილმა ამ ტურშიც უმასპინძლა ტიტულიან გუნდს და მოიგო. დიახ, არ გეჩვენებათ - "მერანმა” საქართველოს 13-გზის ჩემპიონ თბილისის "დინამოს” 2:1 სძლია. ალექს გარსიას გაწვრთნილ გუნდს ჩემპიონატზე აქამდე 4-ჯერ წაუგია, მაგრამ მსაჯობაზე აუგი არასდროს დასცდენია. 2 ვარიანტია - "დინამო” ან მართლაც "დაწვეს” მარტვილში, ან მარცხით გამწარებულმა ესპანელმა კარი გაგვიჯახუნა და დაგვემშვიდობა.

მერანი - დინამო
ადგილობრივი ქომაგი მოუთმენლად ელოდა მარტვილში "დინამოს” პირველ ოფიციალურ სტუმრობას. მასპინძელთა თავკაცს წინა ტურის სასტარტო შემადგენლობაში ცვლილება არ შეუტანია, რაც შეეხება თბილისელთა ესპანელ თავკაცს, მას 2 იძულებითი ცვლილების შესრულება მოუწია. დისკვალიფიკაციის გამო "დინამოს” ლორია და ჩისკო აკლდა.
როგორც თბილისელთა ვებ-გვერდის ონლაინ-მიმოხილვიდან ჩანს, მატჩის დასაწყისი სტუმრების უპირატესობით წარიმართა. აქტიურობდნენ ალვარო, ჯიღაური, მსაჯმა სიმულაციისთვის, ძირითადში დაბრუნებული რობერტინიო გააფრთხილა. მალე ბრაზილიელს მიეცა თავის გამოჩენის შანსი, მაგრამ მისი დარტყმული მცირედით ასცდა მიზანს.
27-ე წუთზე ანგარიში მაინც გაიხსნა - გოლი იაგუემ გაიტანა. აქიდან ათიოდე წუთში რობერტინიო ანზორ სუხიაშვილთან ორთაბრძოლაში დაშავდა. მედიკოსთა ჩარევის მიუხედავად ბრაზილიელი ნახევარმცველი შესაცვლელი შეიქნა.
ტაიმის მიწურულს მასპინძლები გააქტიურდნენ. ჯერ გიგა ამბროლაძის შორიდან დარტყმული ცდება მიზანს, მერე კი ლაშა ჩალაძისა.
მე-2 ტაიმის შუაში ლაშა სილაგავამ "დინამოს” კარში პენალტი დანიშნა, რომლის გოლად რეალიზება გიორგი მანწკავამ ვერ შეძლო - კიპერმა მოიგერია. მასპინძლებმა ამ წარუმატებლობამ არ გატეხა და მათ 2-წუთიან მონაკვეთში თბილისელებს 2 გოლი გაუტანეს - ჯერ ვალერი იობაშვილმა გაათანაბრა, მერე კი კოტდივუარელმა მუნინი ტაპემ გამარჯვების მომტანი გაიტანა - 2:1.
კლუბის ვებ-გვერდისთვის ნამატჩევს მიცემულ კომენტარში "დინამოს” ესპანელი თავკაცი ალექს გარსია ამბობს:
"პირველ ნახევარში თამაშის მიმდინარეობას სრულად ვაკონტროლებდით. გოლის გატანა მოვახერხეთ და არაერთი საგოლე მომენტიც შევქმენით. შეხვედრის მეორე ნახევარში კი მსაჯმა შეგვისრულა... პენალტი თამაშგარე მდგომარეობიდან დაგვინიშნეს, პირველი გოლი კი გამოგონილ ჯარიმას მოჰყვა.
სამწვრთნელო შტაბი გუნდს მეტოქის წინააღმდეგ სათამაშოდ ამზადებს და არა მსაჯების წინააღმდეგობის დასაძლევად. მეგონა სერიოზულ ხალხთან მქონდა ურთიერთობა - დღეს რაც გვერდითმა მსაჯმა გააკეთა, ეს ფეხბურთელების დაცინვაა და მეტი არაფერი. თუ პრობლემას წარმოადგენს "დინამოს” უცხოელი მწვრთნელი, თქვან და დღესვე წავალ სახლში. დაანებონ ფეხბურთელებს თავი და საქმეს მაქსიმალურად სერიოზულად მოეკიდნონ”.
”მერანი” (მარტვილი) - ”დინამო” (თბილისი) 2:1 (0:1)
18 დეკემბერი. მარტვილი, ”ცენტრალური”.
"მერანი”: შეროზია, კაკუშაძე, იობაშვილი, სუხიაშვილი, გიგა ჟვანია, დიდავა, მანწკავა, ელგუჯა გრიგალაშვილი, ჩალაძე, ამბროლაძე (ტორაძე, 63), ტაპე.
მთავარი მწვრთნელი: მალხაზ ჟვანია.
”დინამო”: ზარქუა, ჰომოლა, გიორგი ზაურის ძე რეხვიაშვილი (ხოჭოლავა, 68), ოდიკაძე, მამუკა ლომიძე, კვეკვესკირი, ჯიღაური (თექთურმანიძე, 82), ალვარო, კოტო, რობერტინიო (კახელიშვილი, 41), იაგუე.
მთავარი მწვრთნელი: ალექს გარსია.
გოლები: 0:1 იაგუე (27), 1:1 იობაშვილი (75), 2:1 ტაპე (77).
გამოუყენებელი პენალტი: მანწკავა (66, მეკარე).
გაფრთხილებები: რობერტინიო (23), მანწკავა (58), ალვარო (59), ზარქუა (65).   
მსაჯები: ლ. სილაგავა; ლ. თოდრია, კ. გაბრიაძე; ხ. გაგნიძე.

ბაია - ტორპედო
შეხვედრის პირველი ტაიმი ორმხრივ შეტევებში წარიმართა. ქუთათურთა ცენტრალურ მცველ დავით გამეზარდაშვილს პირველსავე წუთზე შეეძლო ანგარიშის გახსნა, მაგრამ კუთხურიდან ჩაწოდებულზე მისი თავური ოდნავ უზუსტო აღმოჩნდა. ცოტა ხანში ზუგდიდელ ლევან წურწუმიას მიეცა კარგი შანსი, მაგრამ სტუმართა კიპერი ადგილზე დაუხვდა მის დარტყმულს.
მწვავე დასაწყისის შემდეგ, გუნდები ძირითადად მოედნის ცენტრში ცდილობდნენ უპირატესობის მოპოვებას. ტაიმის ბოლოს ”ტორპედოს” უპირატესობა გამოიკვეთა, თუმცა ხიფათი არც ზუგდიდელთა კონტრშეტევებს აკლდა. აღნიშვნის ღირსია მარჯვენა ფლაგზე გურამ სამუშიას აქტიური თამაში, რომელიც 27 წუთზე გოლით შეიძლება დასრულებულიყო, მაგრამ ახალგაზრდა ბაიელის დარტყმულს სიზუსტე დააკლდა.
მეორე ტაიმი ახალი დაწყებული იყო, როცა სტუმრებმა ანგარიში გახსნეს. გრიგოლ დოლიძის დარტყმული ზუგდიდელთა კიპერმა ფეხით მოიგერია, მაგრამ ამით ხიფათი მაინც ვერ ააცილა მის კარს. საჯარიმოში ხელსაყრელ სიტუაციაში მყოფმა თორნიკე თარხნიშვილმა ”ტორპედო” დააწინაურა - 0:1.
მალე გოცირიძემ კიდევ ერთხელ შეარხია ”ბაიას” კარის ბადე, მაგრამ ლაინსმენმა თამაშგარე დააფიქსირა და გოლი არ ჩაითვალა. ”ტორპედო” კვლავ აქტიურობდა, მაგრამ მეტჯერ თავის გამოჩენა ვეღარ შეძლო. სამაგიეროდ, მასპინძლებმა ივარგეს. 72-ე წუთზე სტუმართა კართან ”სტანდარტიდან” ბურთის ჩაწოდების შემდეგ შექმნილი არეულობით ნიკა აფაქიძემ ისარგებლა და მატჩის საბოლოო შედეგი დააფიქსირა - 1:1.
”ბაია” (ზუგდიდი) - ”ტორპედო” (ქუთაისი) 1:1 (0:0)
18 დეკემბერი. ზუგდიდი, ”ბაიას” საწვრთნელი ბაზის ხელოვნურსაფარიანი მოედანი.
"ბაია”: არჩილ მაქაცარია, ტყემალაძე, გიორგი ქვარცხავა, ნიკა შონია, სიხარულია (გიორგი პაჭკორია, 85), რიგვავა, სამუშია (ფარჯიკია, 69), ეხვაია, წურწუმია, აფაქიძე, მგელაძე.
მთავარი მწვრთნელი: ელგუჯა ქომეთიანი.
”ტორპედო”: მიგინეიშვილი, სევასტი თოდუა, გამეზარდაშვილი, დაჩი ფოფხაძე, ლაშა შერგელაშვილი, გიორგი დათუნაიშვილი, დიღმელაშვილი (დავით ჯანელიძე, 80), დოლიძე (იოსელიანი, 64), დავით ბოლქვაძე, თარხნიშვილი, რევაზ გოცირიძე (მეგრელაძე, 65).
მთავარი მწვრთნელი: გია გეგუჩაძე.
გოლები: 0:1 თარხნიშვილი (49), 1:1 აფაქიძე (72).
გაფრთხილება: დათუნაიშვილი (52).   
მსაჯები: მ. ბეუქლიშვილი; ბ. ჭიჭინაძე, დ. კურტანიძე; ი. ურუშაძე.

სიონი - დილა
როგორც შედეგიდან ჩანს, ”დილას” აუტსაიდერის ძლევა არ გასჭირვებია. ეს რომ ასე მოხდებოდა, ”სიონის” სასტარტო შემადგენლობიდანაც ჩანდა. ქვემოქართლელთა თავკაცმა გადაწყვიტა ერთბაშად 3 დებიუტანტი (ვაშაგაშვილი, ბააკაშვილი, ყაველაშვილი) დაეყენებინა, მათ შეცვლაზე შემოსულ ორუჯოვთან ერთად, მანამდე უმაღლეს ლიგაში თითოჯერ ორიოდე წუთით ნათამაშები ნინიკაშვილი და გიორბელიძე დაუმატეთ და ადვილი წარმოსადგენია რატომ არ გაუჭირდათ სტუმრებს ბოლნისელების დამარცხება.
”სიონი” (ბოლნისი) - ”დილა” (გორი) 0:3 (0:2)
18 დეკემბერი. ბოლნისი, ”თამაზ სტეფანია”.
"სიონი”: ზუხბაია, გიორგი გიორბელიძე, რატი ვაშაგაშვილი, გიორგი თარგამაძე, ადამაშვილი (ლევან ჩხეტიანი, 18), აკაკი ნოზაძე, გურამ ბააკაშვილი, დავით ყაველაშვილი (ორუჯოვი, 70), ისიანი, ზურაბ ხურციძე, უგულავა (ნინიკაშვილი, 46).
მწვრთნელი-კონსულტანტი: ლევან ბაჯელიძე.
”დილა”: შეყრილაძე, ბაქრაძე, ქარქუზაშვილი, ოლეგ გველესიანი, ვალტერ ხორგუაშვილი, ჯოჯუა, პავლე ხორგუაშვილი (ნემსაძე, 68), გოგინაშვილი, რაჟამაშვილი (ჭითანავა, 80), დავით ჩაგელიშვილი, ახალკაცი (გია თოდუა, 35).
მთავარი მწვრთნელი: თემურ მახარაძე.
გოლები: 0:1 ჩაგელიშვილი (11), 0:2 ჩაგელიშვილი (45), 0:3 პავლე ხორგუაშვილი (63).
გამოუყენებელი პენალტი: თოდუა (63, მეკარე).
გაფრთხილებები: გიორბელიძე (43), ზუხბაია (63), ვაშაგაშვილი (80).
გაძევება: ნემსაძე (90).  
მსაჯები: ა. კრიჭაშვილი; მ. ელიკაშვილი, ე. ნარმანია; თ. გვანცელაძე.

XVIII ტური
18 დეკემბერი
კოლხეთი - სპარტაკი 1:0 (0:0)
გაგრა - ვიტ ჯორჯია 1:0 (0:0)
ბაია - ტორპედო 1:1 (0:0)
სიონი - დილა 0:3 (0:2)
მერანი - დინამო 2:1 (0:1)
მეტალურგი - ზესტაფონი 0:0

 

1	ზესტაფონი	17	12	3	2	35:15	39
2	ტორპედო	18	12	2	4	26:13	38
3	დინამო	18	10	3	5	34:22	33
4	მეტალურგი	18	8	6	4	21:18	30
5	მერანი	17	9	2	6	22:19	29
6	ბაია	18	7	3	8	19:20	24
7	ვიტ ჯორჯია	18	6	5	7	21:22	23
8	გაგრა	18	6	3	9	18:23	21
9	სპარტაკი	18	5	4	9	16:25	19
10	დილა	18	5	3	10	23:25	18
11	კოლხეთი	18	4	6	8	15:24	18
12	სიონი	18	1	4	13	11:35	7

შენიშვნები
•    სფფ-ს რეგლამენტით, თანაბარი ქულების დაგროვების შემთხვევაში, ადგილები გაირკვევა შემდეგი პრიორიტეტული თანმიმდევრობით: 1. მოგებათა მეტი რაოდენობა; 2. უშუალოდ ერთმანეთში შეხვედრების შედეგები (ქულათა რაოდენობა, ბურთების სხვაობა); 3. ჩემპიონატში გატანილი და მიღებული ბურთების სხვაობა; 4. გატანილი გოლების რაოდენობა; 5. სტუმრად გატანილი გოლების რაოდენობა; 6. ფეირ ფლეის პრინციპი; 7. კენჭისყრა.
•    2 წრის შემდეგ, I-VIII ადგილზე გასული გუნდები, ურთიერთშეხვედრებში დაგროვილი ქულებით და გატანილ-გაშვებული ბურთებით, ორ წრედ იბრძოლებენ ჩემპიონის ტიტულისა და უეფას ევროპის ლიგის საგზურებისთვის. ბოლო 4 გუნდი კი, პირველი ლიგის ზონებში დაწინაურებულ ორ-ორ გუნდთან ერთად (8 გუნდი ორ წრედ ნულიდან), გაითამაშებენ უმაღლესი ლიგის ოთხ საგზურს.

სატურნირო ცხრილი II ეტაპისთვის გუნდების მიმდინარე მდგომარეობის გათვალისწინებით

 

1	ზესტაფონი	10	7	2	1	22:8	23
2	მეტალურგი	12	6	3	3	14:12	21
3	ტორპედო	12	6	2	4	12:10	20
4	მერანი	11	5	1	5	12:13	16
5	დინამო	11	4	2	5	19:19	14
6	ვიტ ჯორჯია	12	3	3	6	8:13	12
7	ბაია	11	3	2	6	9:14	11
8	გაგრა	11	3	1	7	8:15	10

ბომბარდირები
9 - ჩისკო (დინამო), ჯაბა დვალი (ზესტაფონი) (1 პენ.), დიმიტრი ტატანაშვილი (მეტალურგი) (1 პენ.);
7 - ნიკოლოზ გელაშვილი (ზესტაფონი) (3 პენ.);
6 - გიორგი მანწკავა (მერანი), ბესიკ ჩიმაკაძე (ვიტ ჯორჯია) (1 პენ.);
5 - ალვარო (დინამო), რევაზ გოცირიძე (ტორპედო), ირაკლი მოდებაძე (მეტალურგი), ლევან შარიქაძე (გაგრა), მუნინი ტაპე (მერანი), დავით ჩაგელიშვილი (დილა), დათა ციცხვაია (კოლხეთი) (1 პენ.), რატი წინამძღვრიშვილი (ზესტაფონი) (1 პენ.);
4 - ელგუჯა გრიგალაშვილი (მერანი), შოთა გრიგალაშვილი (ზესტაფონი), ლუკა გუგუჩია (ბაია), გრიგოლ დოლიძე (ტორპედო), ბექა ზაქრაძე (ვიტ ჯორჯია), თორნიკე თარხნიშვილი (ტორპედო), შალვა კვანტალიანი (გაგრა), გიორგი კორიფაძე (ვიტ ჯორჯია), ალექსანდრე კოშკაძე (დინამო), ზვიად მეტრეველი (სპარტაკი), გიორგი ქუცურუა (სიონი), თეიმურაზ შონია (სპარტაკი), კოტო (დინამო) (1 პენ.);
3 - რომან ახალკაცი (დილა), გიორგი დათუნაიშვილი (ტორპედო), ლაშა კემუხტაშვილი (სიონი), დავით რაჟამაშვილი (დილა), ირაკლი ქობალია (ბაია), გიორგი მეგრელაძე (ტორპედო) (1 პენ.), კობა შალამბერიძე (სპარტაკი) (1 პენ.), პავლე ხორგუაშვილი (დილა) (1 პენ.).